Txhaj Txhais (Txhiaj Txhais)
I. LUS TXHIAJ:
1. Tim tsua tim tsua, dhia plhaw txij dua. Yog dab tsi ?
2. Noj ntawm ncauj tswm ntawm tav. Yog dab tsi ?
3. Rauv taws nram tiaj, ncho tsawv pem looj hiaj. Yog dab tsi ?
4. Noj ntawm tav, tshwm ntawm ncauj. Yog dab tsi ?
5. Tsis zas txawj liab, tsis hliav txawj ntse. Yog dab tsi ?
6. Nyuj nqov tim dawm, mus txog tsis pom lawm. Yog dab tsi ?
7. Tuaj deb ntsia zoo li txooj xyoob, mus txog yog txiv nuj-sis-loob. Yog dab tsi ?
8. Tawg paj saum yaj, txi txiv nrruab yeeb. Yog dab tsi ?
9. Tus maum npua qhuav tuag nram kwj-ha, uab lag ncaws nqa ncaws nqa. Yog dab tsi ?
10. Muaj tis tsis muaj txha, ya taug kwj-ha. Yog dab tsi ?
11. Tuav nees txoob, taug nees hneev. Yog dab tsi ?
12. Noj zoo, pw qhov ntoo . Yog dab tsi ?
13. Txiv yawg txiv qas tsi, plaub teg plaub taws khi. Yog dab tsi?
14. Muaj nplooj tsis muaj ceg, txi txiv plhe leg. Yog dab tsi ?
15. Tuaj deb ntsia yog tus txiv heev nyuj liab, mus txog luj tsis muaj peb fiab. Yog dab tsi ?
16. Thaum mus luaj tus zuam, thaum los luaj tais vuam. Yog dab tsi ?
17. Tuaj deb ntsia zoo li lub kaus, mus txog yog ib pawg noob qaus. Yog dab tsi ?
18. Tug niag khem khuas luas, tshuav lub plawv dhia rhuj rhuas. Yog dab tsi ?
19. Peb tug kwv-tij koom ib txoj phuam ntoo. Yog dab tsi ?
20. Kaj ntug puav da dej, tsaus ntuj puav dai taw. Yog dab tsi ?
21. Muaj nplooj tsis muaj ko, txi txiv plhe hlo. Yog dab tsi ?
22. Ploj pliag zaj pag tawm plaws zaj pwg, muab zaj niam zaj txiv chaws ntswg. Yog dab tsi?
23. Tus poj-qaib dawb tuag nraum kwj-tse, txhia leej txhia tus pe. Yog dab tsi ?
24. Dub li hlau, nplua li ntseg, muab tsis tau luag hes. Yog dab tsi ?
25. Muaj ob lub txiv liab liab nyob saum hauv tsua, xav noj ntshai tsam xob tua. Yog dab tsi ?
26. Ib rooj yej mag tau ib pab niam txiv tub nas. Yog dab tsi ?
27. Nkauj see seev seev nkauj see poob qhov nrheev. Yog dab tsis ?
28. Poj-suav nyob qhov taub, poj suav qhov quav tuaj plaub. Yog dab tsi ?
29. Tsuj dev tw, dev quaj qw quaj qw. Yog dab tsi ?
30. Tim los khi, tod los khi, nruab nrab txiv tub fiab vab tshaus ua si. Yog dab tsi ?
31. Ib lub yias thawj-tsheb nyob tom hav zoov dai ncuv, los nag peb hhub peb hmos tsis puv.
Yog dab tsi ?
32. Ib tug phaw twm tuag nram kwj-ha, yeem tshum yeem ua pa. Yog dab tsi ?
33. Ib tug noog zaws, noj tas peb roob.peb ha taws. Yog dab tsi ?
34. Me me li lub qhov muag ntses, noj.tas toj roob hauv-pas. Yog dab tsi ?
35. Ob tog yog tw nab, qhov muag nyob hauv qab plab. Yog dab tsi ?
36. Taw muaj cuaj ciab, hau mua; cuaj dag, nrom nroos qab zaj pag. Yog dab tsi ?
37. Leej txiv nthe nqho, leej tub llawm hlo. Yog dab tsi ?
38. Tawg paj ua me yaj txi txiv ua me ncw, noj los qab, hnia los tsw ` Yog dab tsi ?
1. Lub Ris . 2. Lub Zeb 3. Tus Yeeb-nkab . 4. Lub Yeeb-thooj , 5. Lub Kua txob . 6. Tso Paus . 7. Rab Qeej . 8. Txiv Laum-huab-xeeb 9. Tuav ncuav , 10. Tus Quas-liv . 11. Luj teev . 12. Rab Teev . 13. Lub Ruav-ntxaij . 14. Tsob Tsawb . 15. Tus Ntsaum liab . 16. Lub Paj Hnub-hlis . 17. ‘l’sob Txiv-taub-ntoos 18. Tus Noog nyob hauv tawb. 19. Lub Kos . 20. Txoj Phuam ntxuav muag 21. Lub Txiv-poov-luj . 22. Tus Nuv, nuv ntses . 23. Lub Zeb-ho, hov riam . 24. Tus Dev-mub. 25. Pojniam ob lub mis. 26. Daim Pam vov. 27. Rab Ncas. 28. Lub Haus-paus Dos. 29. Tuav Cos. 30. Kab laug sab lub tsev. 31. Lub Zes Noog. 32. Lub Foob Xab. 33. Lub Qhov Cub. 34. Lub Hauv-txhuam (tus qws ntais ntawv). 35. Phob Tsig cuab Noog. 36. Lub Vas natu Ntses. 37. Rab Phom, rab hneev. 38. Lub Noob hnav.II. LUS TXHAIS:.